Sera nógv biðja um mathjálp

Sera nógv biðja í hesum døgum Frelsunarherin um mathjálp. Tað sigur Martin Kúrberg, leiðari á herberginum hjá Frelsunarherinum í Havn. 

Mánadagin var tað komið hartil, at matgoymslurnar hjá Frelsunarherinum vóru um at vera tómar, og tað hevur Martin Kúrberg ikki upplivað fyrr tey skjótt 11 árini, hann hevur arbeitt fyri Frelsunarherin. 

Við góðari hjálp frá fyritøkum og einstaklingum, sum stuðla, eydnaðist tað at fylla goymslurnar aftur og at koyra mateskjur út til fólk, sum hava brúk fyri tí. Men Martin Kúrberg heldur, at hetta var eitt sigandi dømi um, hvussu støðan er.

Hann hevur torført fyri at fyrihalda seg til tíðindini um, at Bank Nordik ætlar at lata eina fjórðings milliard krónur í vinningsbýti, samstundis sum óvanliga nógv húski um landið eru illa sperd fíggjarliga.