- Tíðindi, mentan og ítróttur
Døglingar spæla sær á Kaldbaksfirði
16.07.2023 - 14:10
Innlendis
Døglingar spæla sær á Kaldbaksfirði
Síðstu dagarnir hava tríggir døglingar verið at sæð inni á Kaldbaksfirði, har teir spæla sær, meðan fólk í bilum í hópatali hyggur at.

Fleiri bilar enn vanligt síggjast fram við vegnum á Kaldbaksfirði, nú tríggir døglingar eru komnir inn á fjørðin at spæla sær
Mynd: Hilmar Jan Hansen
- At døglingur sæst inni á føroysku firðunum, er kanska ein ábending á, at vit skulu rokna við at síggja meira til stórhval millum oyggjarnar.
Tað heldur Bjarni Mikkelsen, lívfrøðingur á Havstovuni, nú tríggir døglingar síðstu dagarnar hava spælt sær inni á Kaldbaksfirði.
Av tí sama eru fleiri bilar at síggja á vegnum inn ímóti Kaldbaksbotni, tí fólk vilja síggja hesar forvitnisligu hvalirnar.
Bjarni Mikkelsen sigur tað tó ikki vera so vanligt, at døglingur sæst inni á føroysku firðunum, men at tað – sum nú – kemur fyri.
Nýggjastu sendingar í ÚV
Nýggjastu sendingar í SV