FarCargo hevur verið noytt at brynja seg við toli

FarCargo-flogfarið er í løtuni til umbyggingar á verksmiðju í Kina.

Tað hava verið nógvar seinkingar á leiðini, ásannar Birgir Nielsen, stjóri, sum sigur, at tað hevur verið neyðugt at brynja seg við toli. 

Tá flogfarið er yvirtikið, so fer flogmanningin at royna flogfarið í Evropa í nakrar vikur, so tað verður lært at kenna. Síðani byrjar flúgvingin úr Vágum.

Áhugin fyri at brúka Eysturoy, sum flogfarið eitur, er stórur, sigur stjórin.