HM í kvinnufótbólti tikið øll á bóli

Bert finalan er nú eftir av HM kappingini í fótbólti fyri kvinnur, sum seinastu vikurnar hevur verið í Australia og Ný Sælandi.
Svøríki vann bronsuheiðursmerkini í dag, og finalan millum Spania og Ongland verður sunnudagin fyrrapart.
Og hóast lítið hevur verið at sæð til HM endaspælið her heima, hevur kappingin sligið fleiri met. Bæði tá tað kemur til hyggjaratøl og stuðulspengar. Tað sigur Maria Ziskason Nesá, sum er samskipari fyri kvinnufótbólt hjá FSF. Hon er stødd í Sydney, har veruligur fótbóltsfebur hevur verið undir endaspælinum.
- Tað eru nógvir fordómar um kvinnufólbólt sum eru kveistraðir til viks undir hesum endaspælinum, sigur hon.