Vænta Zelenskyj á vitjan í Danmark

Líkt er til, at ukrainski forsetin, Volodomyr Zelenskyj, vitjar í Danmark í dag. Ráðharrastovan hevur boðið til tíðindafund í Skrydsrup í suðurjútlandi, har venjingar skulu fara fram við F16-flogførunum, sum Danmark letur Ukraina. 

Ukrainski forsetin lendi fyrrapartin í Niðurlondum, har hann hevur verið á fundi við Mark Rutte, forsætisráðharra. Endamálið við ferðini var at práta um hernaðarstuðul.

- Tað týdningarmesta er stuðulin við F-16 flogførum, so vit verða sterkari, skrivar Volodomyr Zelenskyj á Telegram.

Fyri løtu síðan varð kunngjørt, at Niðurlond stuðla við 42 F-16 flogførum. Enn er ikki greitt, hvussu nógvum flogførum Danmark stuðlar við, men tað verður eftir ætlan kunngjørt á tíðindafundinum, sigur TV2.

Í juni samdust Niðurlond, Danmark, Stórabretland og USA um at stuðla við lívstýðandi loftverju, sum tikið verður til. Harumframt skulu Niðurlond og Danmark hava ábyrgd av at venja ukrainsku flogskipararnar at nýta F-16 flogførini.

Zelenskyj á tíðindafundi

Fyri 40 minuttum síðan, vórður danskir og ukrainskir miðlar bodnir til týðindafund á flogvøllinum í Skrydsrup, men eingin tíðindafundur er byrjaður enn. Danskir miðlar gita, at bíðað verður eftir Zelenskyj. Fleiri danskir ráðharrar eru møttir, umframt forsætisráðharrin, Mette Frederiksen, og krúnprinsessa, Mary. 

Týðandi F-16 flogfør

Í samrøðu við TV2 sigur Rasmus Tantholdt, sum hevur verið útsendur tíðindamaður í Ukraina síðan russisku innrásina, at F-16 flogførini kunnu hava ein avgerandi leiklut, hvussu leikur víðari ferð í krígnum millum Ukraina og Russland. Hoyr ljóðbrotið omanfyri.