Heilsuhjálparar krevja meiri í lønarlyfti: FMR hevur gjørt ein feil

20.09.2023 - 21:18
Innlendis›Samfelag
Heilsuhjálparar krevja meiri í lønarlyfti: FMR hevur gjørt ein feil
Ein roknifeilur í fíggjarmálaráðnum hevur ført til, at lønarlyftið økir um gjónna millum heilsurøktarar og heilsuhjálparar.

Fíggjarmálaráði roknaði skeivt og gav heilsurøktarunum eitt lutfalsliga nógv størri lønarlyft enn heilsuhjálparunum.

Hetta skal rættast, sigur Mary Antonsdóttir, forkvinna hjá heilsuhjálparunum.

Ein roknifeilur í framskrivingini av semjuni við heilsurøktararnar merkti at heilsurøktarirnir fingu eina endaløn uppá 33.491 krónur í staðin fyri 3.2000 krónur.

Helsurøktarar og heilsuhjálparar eru tveir starvsbólkar, sum hava fingið lønarlyft.

Lønarlyftið skuldi minka um gjónna millum láglønarbólkar. Men ein feilur hevur gjørt, at tað er ikki tað, sum er hent, sigur Mary Antonsdóttir, forkvinna fyri heilsuhjálpararnar.

Endalønin hjá heilsuhjálparunum er eftir lønarlyftið 30.500 krónur
Sambært fíggjarmálaráðnum skuldi munurin millum heilsurøktarar og heilsuhjálpaar vera 2000 krónur, tá avtornaði.

Men so var ikki - tí heilsurøktararnir endaðu við eini endaløn uppá 33.491 krónur.

Tað er ein munur uppá 3.491 krónur millum starvsbólkarnar, og tað er forkvinnan hjá heilsuhjálparunum ikki nøgd við.

Feilurin skal rættast, sigur hon. 

 
Er kopiera
Nýggjastu sendingar í ÚV
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565