Framtíðin tongd at Russlands-sáttmálanum

Nógv fólk var komið saman at taka ímóti nýggja flakatrolaranum Gadus, sum kom á Klaksvík í dag, har hann eisini var doyptur.

Skipið kann munandi meira enn gamli Gadus, og umstøðurnar hjá manningini eru eisini munandi betur.

Nýggi Gadus kostar umleið 450 milliónir krónur og er bygdur til at fiska í Barentshavinum, har Føroyar hava kvotur í bæði norskum og russiskum sjógvi.

Og tað, sum tey flestu hugsa, men hava lítlan áhuga at tosa um, er, at ivi er um avtalan við Russland verður endurnýggjað.

Og tað hevur stóran týdning, tí umleið 70 prosent av kvotuni í Barentshavinum er í russiskum sjógvi. Landsstýrið sigur, at avgerðin fellur í komandi viku.

Hanus Hansen, reiðari og stjóri í JFK, er bjartskygdur.