Týdning at styrkja Klaksvíkar Sjúkrahús

30.01.2024 - 18:27
InnlendisSamfelag
Týdning at styrkja Klaksvíkar Sjúkrahús
Kristian Martin Rasmussen, nevndarformaður í Christian í Grótinum samtakinum, tók stig til at savna 13 milliónir krónur til nógv umrødda skannaran til Klaksvíkar Sjúkrahús.

Innlit hjá Kringvarpinum vísir, at sjey fyritøkur góvu nógv umrødda Tesla-skannaran til Klaksvíkar sjúkrahús.

Fyritøkurnar eru hesar:

  • Christian í Grótinum
  • JFK Trol
  • Norðoyar Sparikassi
  • Pelagos
  • Tavan
  • Sjóborg
  • Smyril Line

Søgan byrjar við eini áheitan frá serlæknanum Johan Poulsen til Kristian Martin Rasmussen um møguleikan at útvega pengar til skannaran. Nevndarformaðurin í Christian í Grótinum samtakinum fer ígongd, uttan at vera greiður yvir, at skannarin kostar 13 milliónir krónur. 

Kristian Martin Rasmussen minnir á 120 ára gomlu søguna hjá Klaksvíkar Sjúkrahúsi. Ein søga, sum byrjaði við at savnað var inn millum fólk í Norðoyggjum og í eysturbygdunum í Eysturoynni til at byggja sjúkrahúsið, tí pengar fingust ikki á annan hátt.

-Eg hugsaði, at tá okkara forfedrar megnaðu at savna pengar inn til eitt heilt sjúkrahús, so áttu vit at klára at savna pengar inn til ein skannara, sigur Kristian Martin Rasmussen, sum heldur tað hava týdning at styrkja Klaksvíkar Sjúkrahús.

 

Trýst á pílin undir myndini fyri at hoyra samrøðu við reiðaran.

Um dagarnar upplýsti Alexandra á Dul, stjóri á Klaksvíkar Sjúkrahúsi, at nýggi skannarin verður tikin í nýtslu um fimm mánaðir.

 

 
Er kopiera

Tak niður

Nýggjastu sendingar í ÚV
Leygardag 13. juli
Morgunlestur leygardagur 13. juli 2024
177414
Fríggjadag 12. juli
Vikuskiftið 12 juli 2024
177982
Fríggjadag 12. juli
Morgunlestur fríggjadagur 12. juli 2024
177413
Nýggjastu sendingar í SV