Tað kundi verið verri

- Eg rópti og græt av gleði, tá ið eg fekk at vita, at dialysuviðgerðin, nú kann fáast á Suðuroyar sjúkrahúsi.
Fyri tveimum árum síðan flutti Norðleif við Krógv til Havnar, tí hann orkaði ikki longur at ferðast fleiri ferðir um vikuna norður til Havnar at fáa viðgerðina. Nú flytir hann beinanvegin aftur til Hvalbiar.
- Ein fightari av einari aðrari verð, sigur vinmaðurin, tá hann skal lýsa Norðleif við Krógv, sum var vikugestur í Vikuni.
Og ein stríðsmaður er Norðleif, sum hevur havt eina harða lagnu. Sjúkan hevur gjørt, at hann hevur mist bæði beinini og annan armin, men hann er ókúgiligur og vil hava tað besta burturúr lívinum.
- Tað kundi verið verri, sigur hann fleiri ferðir, og takkar fyri tað, hann hevur fingið.