- Tíðindi, mentan og ítróttur
Vágskálin: Kroppurin í listini og fjølbroytt mentanarvika
Kirstin Helgadóttir hevur sett nýggja framsýning upp í Listasavni Føroya, har evnið er kroppurin.
Føroysk listafólk hava søguliga ikki avmyndað kroppin nógv, men listafólk í dag hava mangan kroppin sum myndevni. Kirstin Helgadóttir greiðir frá fleiri av listaverkunum.
Størsta verkið á framsýningini eigur Hans Pauli Olsen. Talan er ikki um eina standmynd, men eitt verk, sum er samansett við 232 tekningum. Vit hitta Hans Paula.
Sunnudagin varð mentanarvikan í Runavíkar kommunu sett í Gulu Smiðju. Har røddu Tórbjørn Jacobsen, borgarstjóri, og Petur Hansen, formaður í mentanarnevndini hjá kommununi. Eisini sungu næmingar í Runavíkar kommunuskúla.
Í sambandi við mentanarvikuna verður skipað fyri tiltøkum í øllum 15 bygdunum í kommununi.
Sunnukvøldið vórðu virðislønirnar handaðar í sambandi við skrivikappingina, sum varð útskrivað, tá mentanarvikan endaði seinast. Vit vóru við til handanina í Skúlanum við Løkin.
Uni Arge leggur til rættis.
Tak niður