Umhvørvisstovan vil endurskoða vatnorkustreymin

Ólavur Poulsen og hini, ið framleiða streym úr vatnorku, sleppa kortini at selja avlopssteymin til SEV.

- Tað er ein greið heimild í elveitingarlógini til tað, sigur Ari Johanneson, virkandi stjóri á Umhvørvisstovuni.

Tað var annars í útvarpstíðindunum fyrradagin, at Ólavur Poulsen harmaðist um, at SEV ikki vil rinda fyri avlopsstreymin.

Sleppur ikki at at selja streym til SEV

Stjórin í SEV, Hákun Djurhuus, vil gjarna keypa streymin frá vatnorkuverkinum hjá Ólavi Poulsen; men so skal hann keypa allan streymin og ikki bara avlopið.

SEV: Øll mugu rinda til samhaldsføstu skipanina

Umhvørvisstovan fer nú at seta ein arbeiðbólk at endurskoða reglurnar.

- Spurningurin er bara, hvat avlopsorkan skal avroknast fyri, sigur stjórin á Umhvørvisstovuni, sum væntar eina avgerð í næsta mánað.