Menn hyggja í frítíðini; kvinnur til arbeiðis

Kvinnur hyggja meira í skíggjan enn menn á arbeiðsplássinum; men í frítíðini eru leiklutirnir millum kynini øvugtir.

Tað vísir kanning, sum Gallup hevur gjørt fyri Fólkaheilsuráðið.

Helvtin av kvinnunum sita í minsta lagi tríggjar tímar um dagin frammanfyri skíggjan í arbeiðstíðini - 10 prosent fleiri enn menninir.

Aftaná arbeiðstíð hava menninir størri sannlíkindi fyri at seta seg frammanfyri telduna, sjónvarpið ella hyggja í fartelefonina.

41 % av teimum spurdu monnunum siga, at teir dagliga hyggja í skíggjan 5 tímar ella meira í frítíðini, meðan ein lítil tríðingur av kvinnunum siga tað sama.