Nógvur laksur við bryggjuna í Klaksvík

Í videobrotinum sæst ein tøtt torva av laksi sum svimur í millum bátarnar, sum liggja við brúnna. Lívfrøðingur, sum Kringvarpið hevur verið í samband við, sigur, at talan er sera sannlíkt um laks.

Enn er óvist hvaðani lakurin kemur. Umhvørvisstovan hevur ikki fingið nakra fráboðan um útslopnan laks. Um talan er um alilaks, sum er sloppin leysur, kann tað verða skaðiligt fyri umhvørvið.

Tað er serliga Bakkafrost, sum hevur alivirksemi nærhendis Klaksvík, men Regin Jacobsen, stjóri á Bakkafrosti, sigur, tey vita ikki um, at alilaksur skal vera sloppin úr ringunum hjá teimum.