Bíða eftir DNA-royndum av beinagrind í Kunoy

Løgreglan í Føroyum bíðar eftir DNA-royndum, soleiðis at deyða fólkið, sum varð funnið í Kunoynni í heyst, kann eyðmerkjast. Beinagrindin av einum fólki varð funnin í Skriðudali vestantil í Kunoy, norðan fyri bygdina.

Ein maður, sum skeyt harur, fann beinagrindina við ein stein. Beinagrindin er send rættarlæknastovninum í Danmark at verða kannað fyri DNA, men enn er einki svar komið, sigur Heri Andreassen, leiðari á kriminaldeildini hjá løgregluni.

Eysturríkari og fraklendingur horvnir

Løgreglan veit um tveir útlendingar, sum hvurvu í Føroyum í fjør. Ein 29 ára gamal eysturríkskur maður hvarv í Fugloy í januar, og ein 31 ára gamal franskur maður, sum kom við Norrönu úr Íslandi í februar, er eisini horvin.

Fraklendingurin fór umborð á Norrönu í Seyðisfirði 20. februar á veg til Føroya, og at hann hevur gist í Føroyum í februar í fjør.

Familjan hevði av og á samband við mannin, seinast í januar í fjør, og ein vinmaður hansara seinast í februar í fjør.

Meira verður at frætta í útvarpstíðindunum klokkan 12:20
 

.