John William hevur bíðað eftir innliti í fimm ár

Tað er krav, at Heilsufrøðiliga Starvsstovan skal lata innlit í, hvussu nógvur heilivágur verður brúktur í sambandi við aling. 

Men tað er ikki so lætt at fáa innlit.

John William Joensen, blaðmaður á Norðlýsinum, hevur bíðað í fimm ár, men hevur ikki fingið nøktandi svar.

Bárður Enni, stjóri á Heilsufrøðiligu Starvsstovuni, ásannar, at tey fylgja ikki kunngerðini, sum landsstýrismaðurin hevur ásett, tí nakrir spurningar eru eftir at loysa, áðrenn tilfarið verður lagt á heimasíðuna.