Breddin: Renta, sáttmálatræta og Suðuroyartunnil

Eftir null-rentu í drúgva tíð, eru eisini føroysku peningastovnarnir farnir at handla við negativum rentum. Men hvørjar avleiðingar hava negativu renturnar fyri eitt samfelag?

​- Vit fáa ein búskap, sum er á stereoidum, sigur danski bankaserfrøðingurin, Lars Krull.​

​Eisini verður tosað við føroyskan bankastjóra.​

​Hvat er reallønarvøkstur?

Semingsstovnurin er komin upp í strandaðu samráðingarnar millum Starvsmannafelagið og Lønardeildina í Fíggjarmálaráðnum. Men hvat merkir tað, tá tosað verður um reallønarvøkstur?

Og fylgja lønirnar við vøkstrinum í samfelagnum? ​

Suðuroyartunnil

​Suðuroyartunnil er á skránni fyri fyrsta løgtingsfund í ár.

Tingið skal viðgera eitt andstøðuuppskot til samtyktar um at stovna eitt partafelag til at gera tunnilin.

Breddin skattar dýpið í politisku skipanini um hesa risa verkætlan. ​

​Breddin - í útvarpinum klokkan fimm minuttir yvir fimm.​