USA mælir til tættari samstarv við Føroyar

Eitt tætt samstarv millum USA, Føroyar og Grønland førir til framburð fyri fólk og búskap.

Haraftrat styrkir tað trygdina, so at tjóðir við óreiðiligum ætlanum ikki fáa fótafesti í arktiska økinum.

Tað sigur Carla Sands, amerikanska sendikvinnan í Danmark, sum hevði fund við arktisku nevndina hjá fólkatinginum í gjár.

Fleiri herskipavitjanir

Í fjør var amerikanska herskipið USS Donald Cook á vitjan í Føroyum. 

Endamálið við vitjanini var millum annað at knýta tættari bond millum Føroyar og USA.

Og USA fer at senda fleiri herskip á vitjan í Føroyum, um áhugi er fyri tí, sigur Carla Sands.