Mai er nýggj forkvinna í Javnstøðunevndini

Mai Laksáfoss Simonsen er nýggj forkvinna í Javnstøðunevndini. 

Hon umboðar landsstýrið.

Elsebeth Mercedis Gunnleygsdóttir, landsstýriskvinna í almannamálum, sum eisini er landsstýriskvinna í javnstøðumálum, hevur valt Javnstøðunevndina av nýggjum.

Hinir føstu limirnir í nevndini eru Annfinnur Garðalíð, sum umboðar løntakarar, Niels Winther, sum umboðar arbeiðsgevarar, Hedvig Johansdóttir umboðar skúla-, heilsu- og almannaverkið, og Helena Fríðheim umboðar Kvinnufelagssamskipan Føroya.

Javnstøðunevndin hevur fund við landsstýriskvinnuna seinni í vikuni, og fer síðani til verka.