Hasfjord: Vænta loysn mánadagin

Lønardeildin hjá Fíggjarmálaráðnum skal nu svara Skipara- og navigatørfelagnum og Maskinmeistarafelagnum um sáttmálaviðuskiftini hjá teimum, sum fara at manna Hasfjord.

Fundur var millum partarnar í gjár.

Jan Mortensen, stjóri á Lønardeildini, væntar, at málið verður loyst mánadagin.

Annfinnur Garðalíð, formaður í Føroya Skipara- og navigatørfelag sigur, at eingin limur hjá teimum skal mynstra við Hasfjord, so leingi eingin sáttmáli er fyri skipið.

Hasfjord kom á Havnina úr Noregi stutt eftir døgurða í gjár.