Coronasmitta staðfest í Tenerifa

Trý donsk ferðafólk í Tenerifa eru koyrd í karantenu, tí stúrt verður fyri corona-smittuni, skrivar danska TV2

Donsku ferðafólkini eru saman við 1.000 øðrum ferðafólkum avbyrgd í einum gistingarhúsi í býnum Adeje í landsynningspartinum av Tenerifa, eftir at staðfest varð, at eitt ferðafólk  úr Italia er smittað við COVID-19.

Hann hevði fepur í fleiri dagar, og sunnudagin vendi hann sær til lækna. Tá varð staðfest, at hann hevði COVID-19-virusið.

Nú er maðurin, sum sjálvur er lækni, lagdur inn á sjúkrahús í Tenerifa, skrivar TV2. Tilsamans átta norðurlendskir gestir eru á gistingarhúsinum í Adeje, sviar, finnlendingar og danir.