Coronavirus eisini staðfest í Noregi

Fyrsti tilburðurin av COVID-19 virusinum varð eisini staðfestur í Noreg í gjár, og landið er farið undir at fyrireika seg til støðuna. Fleiri onnur eru avbyrgd, tí illgruni er um virusið, og í Oslo eru 50 fólk avbyrgd.

Ein kvinna, sum kom heim úr Kina, hevur fingið staðfest sjúkuna.

Norska heilsustýrið sigur seg hava fingið boð um at fyrireika seg til at fjórðahvørt fólk í Noreig kann verða smittað, og tá er talan um millum 160.000 og 280.000 fólk.

Setur stór krøv

Tað setur stór krøv til heilsuverkið og tilbúgvingina í landinum, sigur stjórin í heilsustýrinum, Bjørn Guldvog, við NRK. Hann sigur, at átøk verða sett í verk, so hvørt sum støðan broytinst.

Tað er ikki óvist, at skúlar og barnagarðar verða stongdir, tí ofta eru børn smittuberi, tá slíkar sjúkur ganga. Og óvist er heldur ikki, at fólk fara at fáa boð um ikki at koma saman til tiltøk fyri at forða smittuni  at breiða seg.

Bjørn Guldvog sigur, at tað var væntandi, at COVID-19 virusið fór at koma til Noregs, eftir at virusið nú er staðfest í 49 londum.