SAS gevst at flúgva til Norðuritalia

SAS hevur gjørt av at gevast við flúgvingini til Norðuritalia. Orsøkin er støðan við coronavirusi.

Avlýsingarnar eru galdandi fyribils til 16. mars.

SAS sigur, at ferðafólk, sum hava keypt ferðaseðil, hava møguleika at fáa peningin aftur.

Fyrr í dag boðaði SAS frá, at felagið gevst at flúgva til Hongkong fyribils.Frammanundan hevur felagið avlýst alla flúgving til floghavnir á meginlandinum í Kina.

Italia er tað landið í Evropa, sum er meinast rakt av corona.

Danska uttanríkisráðið mælir nú øllum frá at fara til fýra landspartar har norðuri í Italia. Teir eru Emilia-Romagna, Lombardíið, Piemonte og Veneto.