Sjey fólk verða avbyrgd á Hotel Vágum

Nøkur teirra, sum landslæknin avbyrgir, nú coronavirus er staðfest í Føroyum, skulu vera á Hotel Vágum.

Bara tey, sum ikki fáa verið avbyrgd heima, verða flutt á hotel Vágar. Talan er um sjey fólk í hesum umfarinum.

Lars Fodgaard Møller, landslækni, sigur, at eingin vandi er fyri smittuvanda á hotellinum, tí fólkini skulu vera inni í sínum kamari dag og nátt.

Maturin hjá teimum verður settur uttan fyri kamarshurðina.  Tey, sum skulu vera avbyrgd á Hotel Vágum, fara hagar klokkan eitt í dag. Á Hotel Vágum eru 25 kømur.