BRÁÐTÍÐINDI: Danmark stongir

- Danmark hevur flutt seg til næstu fasuna viðvíkjandi coronasmittuni, tí danir nú smitta hvønn annan og smittan kemur ikki longur bert frá teimum, sum hava verið uttanlands, segði Mette Fredriksen á tíðindafundi fyri løtu síðan.

Danski forsætismálaráðharrin, Mette Fredriksen, kunngjørdi á tíðindafundinum, at tey fara at stongja skúlar og dagstovnar og øll innandura tilboð so sum bókasøvn í tvær vikur. 

Og øll starvsfólk í tí almenna, sum ikki hava eina kritiska funktión, so sum starvsfólk á sjúkrahúsum, løgregla og líknandi, skulu arbeiða heimífrá. 

- Tiltøkini, sum nú verða sett í verk, fara at ávirka allar borgarar í landinum, segði Mette Fredriksen á tíðindafundinum fyri løtu síðan.

Sjúkrahúsini mangla resperatorar og starvsfólk, og 514 danir eru smittaðir av corona, kunngjørdi Mette Fredriksen. 

- Vit mugu standa saman við at halda okkum burtur frá hvørjum øðrum, segði Mette Fredriksen.