- Tíðindi, mentan og ítróttur
Sera fá børn í skúla
Sera fá børn í skúla
Hóast skularnir ikki stongja formliga fyrr enn mánadagin, vóru tað fáir næmingar, ið møttu í skúla fríggjadagin
13.03.2020 - 19:58
Vágaportalurin hevur gjørt eina uppgerð, sum vísir, at í størsta skúlanum í landinum, Skúlanum á Fløtum, møttu 13 av 750 næmingum í skúla í fríggjadagin.
Í Klaksvík møtti ongin næmingur, men í Vestmanna møtti ein fjóðringur av teimum umleið 200 næmingunum.
Tað er eitt sindur ymiskt, hvussu boðini frá Mentamálaráðnum verða sett í verk.
Jenis av Rana, landsstýrismaður segði í boðunum til fólkaskúlarnar hósdagin, at teir skjótast gjørligt og í seinasta lagi mánadagin, skulu biðja næmingarnar halda seg heima.
Vágaportalurin hevur verið í sambandi við skúlarnar, har lærararnir enn eru til arbeiðis.
Nýggjastu sendingar í ÚV
Nýggjastu sendingar í SV