Ongar gudstænastur í dag

Fólkakirkjan boðaði hósdagin frá, at kirkjumyndugleikarnir hava avgjørt, at ongar gudstænastur verða í mars, og at tann avgerðin verður endurskoðað um mánaðarskiftið.

Men, tað eru ikki bara kirkjurnar, sum hava avlýst, orsakað av COVID-19 smittuvanda. Heldur ikki tær stóru samkomurnar í Føroyum hava møti í dag, hava tær boðað frá.

Onkur kirkja í Føroyum fer tó at hava andakt á netinum í dag, og onkrar samkomur hava um vikuskiftið boðað frá, at tær stroyma talur og lovsang á netinum.

Her í útvarpinum endursenda vit klokkan 11 eina gudstænastu frá Fríðrikskirkjuni, og í sjónvarpinum endursenda vit klokkan 16 eina nýggjársgudstænastu, sum varð tikin upp í Vesturkirkjuni.