Álitini verða løgd fram kl. 16

Tingnevndirnar hava fingið hálvan annan tíma at skriva álit til tey fýra uppskotini í hjálparpakkanum, sum landsstýrið hevur lagt fram, í sambandi við koronakreppuna.

Orðaskiftið við 1. viðgerð vísti, at allir flokkar taka undir við uppskotunum.

Orðaskiftið var stutt, tí framsøgufólkini fingu bara tveir minuttir at halda røðu, og møguleiki var ikki at gera viðmerkingar til framsøgufólkini.

Eftir framsøgurøðurnar vórðu uppskotini beind í nevnd. Tær hava fingið hálvan annan tima skriva álit, tí tingfundur er settur at verða aftur klokkan 16, tá álitini skulu leggjast fram.

Ætlanin er at avgreiða hjálparpakkan í dag.