- Tíðindi, mentan og ítróttur
Fyrsti føroyingurin innlagdur
Fyrsti føroyingurin innlagdur
Ein føroyingur er nú innlagdur á Sjúkrahúsverk Føroya fyri koronasmittuna, men talið á smittaðum er ikki hækkað nógv seinasta samdøgrið
Ein føroyingur er innlagdur við koronasmittuni, samstundis sum talið á frískum eru komið upp á 23
Mynd: Bjarni Árting Rubeksen
23.03.2020 - 08:05
Tann fyrsti føroyingurin er nú innlagdur á Sjúkrahúsverki Føroya í samband við koronasmittuna. Tað upplýsir Heilsumálaráðið.
118 føroyingar eru nú smittaðir av tilsamans 2.255 kannaðum. Talið er ikki vaksið nógv, tí í gjár var talið 115 fólk.
Sostatt eru tríggir nýggir tilburðir av teimum 178, sum eru kannað seinasta samdøgrið. Í morgun eru tað nú í alt 23 føroyingar, ið eru staðfestir frískir, eftir at hava fingið staðfest koronasmittuna.
Fyri at staðfesta, at smittað fólk eru frísk aftur, skulu ganga 48 tímar uttan sjúkueyðkenni. Tá bera tey ikki smittuna longur og kunnu loysast úr sóttarhaldi.
Er kopiera
Nýggjastu sendingar í ÚV
Nýggjastu sendingar í SV
