IMF væntar stóra fíggjarkreppu

bannari
IMF væntar stóra fíggjarkreppu
Altjóða Valutagrunnurin, IMF, væntar størri kreppu av koronavirusinum, enn tá fíggjarkreppan herjaði kring heimin fyri góðum 10 árum síðani
IMF væntar stóra fíggjarkreppu í ár av koronasmittuni enn fyri tíggju árum síðani, men at hon kemur at vara stytri
 
24.03.2020 - 08:10

Heimurin var í fíggjarkreppu fyri góðum tíggju árum síðani, og Altjóða Valutagrunnurin, IMF, væntar størri kreppu av koronavirusinum enn tá.

Tað sigur stjórin í grunninum, Kristalina Georgieva, við Reuters tíðindastovuna.

80 lond biðið um stuðul

Hon sigur, at higartil hava 80 lond biðið um stuðul úr grunninum, og tí heitir hon á framkomnu londini um at stuðla menningarlondini.

Stjórin í Altjóða Valutagrunninum, IMF, Kristalina Georgieva, leggur dent á, at IMF hevur 7.000 milliardir krónur til at hjálpa londunum við.

Sum gongdin er nú, so bendir alt á, at nógv lond verða hart rakt av koronavirusinum, og tað fer at hava við sær økt arbeiðsloysi, og at búskapargongdin fer at versna.

Rakar bert í ár

Men stjórin í IMF leggur dent á, at gongdin ikki fer at vara í fleiri ár, men bert í ár, og at heimsbúskapurin fer at koma fyri seg aftur í 2021, skrivar Ritzau.

Hon rósar heimsins londum, sum longu hava sett tiltøk í verk fyri at tryggja fyritøkur og borgarar, tí tað er einasta leið at fara sum støðan er, sigur Kristalina Georgieva, stjóri í IMF.

Er kopiera
Nýggjastu sendingar í ÚV
Fríggjadag 28. februar
Vikuskiftið 28 februar 2025
188454
Fríggjadag 28. februar
Breddin: Politiska støðan og snús
188439
Fríggjadag 28. februar
Morgunlestur fríggjadagur 28. februar 2025
187868
Hósdag 27. februar
Andarblak 27. februar 2024
188393
Nýggjastu sendingar í SV
Fríggjadag 28. februar
Veðrið
188455
Fríggjadag 28. februar
Dagur og vika - teknmálstulkað
188428
Fríggjadag 28. februar
Heim, kæra heim (3:3) - teknmálstulkað
188417
Hósdag 27. februar
Hvíta gullið
188389
Hósdag 27. februar
Heim, kæra heim (2:3) - teknmálstulkað
188381