Sleppa kravinum um týskt

Tað er ikki neyðugt at duga týskt fyri at sleppa á búskaparbreytina og fyrireikingarbreytina í gymnasialu miðnámsútbúgvingunum.

Kravið um týskt er nú bara galdandi fyri hugbreytina.

Kunngerðin er broytt. 

Nú stendur ikki longur í henni, at tey, sum søkja um at sleppa á búskaparbreytina skulu hava fingið royndarfyrireikandi undirvísing í týskum í minsta lagi í tvey ár. Broytingin kemur í gildi í 2023.

Nógv rok var í fjør, tá kravið um týskt kom í kunngerðina.