Landskassin missir 22 milliónir í vinningsbýti

Landið, sum eigur ein triðing av BankNordik, missir pengar, nú fyribils er gjørt av ikki at rinda vinningsbýti fyri 2019.

Ætlanin var annars at lata partaeigarunum 67,2 mió. kr. í vinningsbýti, sjey krónur fyri partabrævið. 

Ein triðingur av 67,2 mió. kr. er 22,4 mió kr.

Í fíggjarlógini fyri 2020 er roknað við 15 mió. kr. í vinningsbýti.

Fíggingargrunnurin frá 1992 umsitur partapeningin hjá landinum í BankNordik.