Korona: Átta sjúk og 14 frísk seinasta samdøgrið

Tað eru nú í alt 140 føroyingar, ið hava fingið staðfest corona-smittuna. Hetta byggir á í alt 2859 kanningarúrslit.

Sostatt eru átta persónar afturat smittaðir seinasta samdøgrið.

Samstundis eru í alt 47 føroyingar vorðnir frískir afturat; 14 fleiri enn í gjár.

Tað upplýsir Landslæknin í morgun, nú seinastu kanningarúrslitini eru tøk.

Báðir persónarnir, ið hava verið innlagdir á Sjúkrahúsverki Føroya í sambandi við coronasmittuna, eru útskrivaðir. Sostatt er eingin innlagdur í løtuni.