Virðisbrøv hækka aftur í Evropa og USA

Støðan á virðisbrævamarknaðunum í Evropa og USA er batnað munandi. 

Danska virðisbræva-vísitalið, C25, er farið upp 0,9 prosent, og kursurin er nú hin hægsti síðani 13. mars. Í síðstu viku hækkaði vísitalið 4,3 prosent.

C25-vísitalið er fallið 21 prosent, síðani korona varð staðfest í Danmark miðskeiðis í februar.

Hjálparpakkar

Umleið 150.000 tilburðir av koronasmittuni eru staðfestir í USA, síðani sjúkan fór at ganga, men íleggjarar hyggja nú eisini at bjargingarpakkunum, sum miðbankar og stjórnir hava samtykt í síðstu viku, skrivar Berlingske.

Amerikanska stjórnin hevur samtykt ein hjálparpakka upp á 2.000 milliardir dollarar. 

Komið um tað ringasta

Virðisbrævaserfrøðingar hjá stórbankanum, J.P. Morgan, vænta eisini, at marknaðurin er komin um tað ringasta, og at virðisbrøv kunnu væntast at hækka í øðrum ársfjórðingi.

Hinvegin væntar Goldman Sachs fyri, at afturgongdin fer at halda fram.