Djór smitta ikki onnur djór ella fólk

bannari
Djór smitta ikki onnur djór ella fólk
Heilsufrøðiliga starvsstovan mælir kortini øllum til at hava gott reinføri, um tey eru í sambandi við djór
 
30.03.2020 - 14:13

Einki bendir á, at korona kann smitta húsdjór ella kelidjór, sigur Heilsufrøðiliga starvsstovan.

Einki bendir heldur á, at djór kunnu smitta fólk ella onnur djór.

Hildið verður, at virusið COVID-19 upprunaliga stavar frá djórum.

Men tað hevur síðani lagað seg til fólk.

Nýggj sjúka

Heilsufrøðiliga starvsstova vísir tó á, at korona er ein nýggj sjúka, og tí fáa vit støðugt nýggja vitan um smittuvegir.

Tað kann tí ikki útilokast, at djór kunnnu bera virusið á skinninum ella á slímhinnuni eina tíð eftir samband við eitt smittað fólk.

Heilsufrøðiliga starvsstovan mælir tí øllum til at hava gott reinføri, um tey eru í sambandi við djór.

Ikki sleikja andlit og hendur

Ein góður vani er ikki at lata hundar ella onnur djór sleikja andlit og hendur, og altíð at vaska sær um hendurnar eftir samband við djór.  

Heimasíðan hjá Heimsheilsustovninum fyri djór hevur upplýsingar um korona og djór.

Heimasíðan kann lesast her.
 

Er kopiera
Nýggjastu sendingar í SV
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520