6,6 milliónir søkja um arbeiðsloysisstuðul í USA

Talið av ný-skrásettum arbeiðsleysum, sum søkja um stuðul, vaks upp í 6,6 milliónir í síðstu viku, vísa nýggj tøl frá í dag, - skírisdag.  Roknað varð annars við, at talið fór at verða um 5,25 milliónir, sambært Infront TDN Direkt.

Seinstu 10 árini er talið av nýskrásettum arbeiðsleysum annars lækkað støðugt og stútt, men nú er tað broytt.

6,6 milliónir arbeiðsleys er eitt tað hægsta, sum nakrantíð er skrásett, og seinastu ferð tað var so stórt var í 1982, tá  695.000 fólk søktu um arbeiðsloysisstuðul. Seinastu tríggjar vikurnar er samlaða talið av nýggjum arbeiðsleysum farið uppum 16 milliónir.

Amerikanska arbeiðs-málaráðið leggur hvørja viku fram dagførd tøl fyri samlaða arbeiðsloysið.