Staturin Missouri stevnir Kina

Stevningin varð handað einum dómstóli í gjár, og sambært henni, hava kinesisku myndugleikarnir ábyrgdina av allari líðingini, deyðsføllunum og fíggjarliga tapinum í heiminum, sum tey eru atvoldin til.

Republikanski sakførarin, Eric Schmitt, sum handaði rættinum stevningina, sigur, at Kina leyg um vandarnar við virusinum, og gjørdi ikki nóg mikið fyri at forða smittuni at breiða seg.

Tað er ógreitt, um stevningin hevur nakra ávirkan, tí amerikonsk lóg bannar, við fáum undantøkum, stevning móti øðrum londum.