Arbeiðið tikið uppaftur

Arbeiðið heldur fram í Sandoyartunlinum sandoyarmegin eftir lekan síðsta vikuskiftið.

Lekin byrjaði leygarkvøldið í einum royndarboriholi, og mánakvøldið eydnaðist at steðga honum.

Tangabilar koyrdu vatnið úr tunlinum, og tamarhald var alla tíðina á støðuni. 

Nú eru 3.679 metrar boraðir í Sandoyartunlinum, 2.000 í Traðardali og 1.679 á Gomlurætt.

Sandoyartunnilin verður 10,8 kilometrar til longdar.