Herdar regur um sóttarhald

Á midnátt komu nýggju leiðreglurnar um sóttarhald fyri fólk, sum ferðast til Føroya í gildi.

Broyttu mannagongdirnar hava við sær, at øll sum ferðast til Føroya, fáa ein faldara við greiðum boðum um at fara í heimauppihald í 14 dagar. 

Tey ferðandi verða eisini framhaldandi biðin um at lata myndugleikunum persónsupplýsingar at nýta sum partur í ”smittuuppsporingini”, og eisini fer sóttarhaldstoymið at seta seg í samband við tey fyri at vita, hvussu tey hava tað, dagarnar í heimauppihaldi. 

Faldarin er á føroyskum, donskum og enskum.

Eftir 14 dagar í heimauppihaldi, kunnu øll ferðast frítt í Føroyum, men sjálvsagt við virðing fyri almennu tilmælunum um frástøðu og reinføri, sigur Heilsumálaráðið.