Sáttmálin verður ikki broyttur

Sáttmálin við Heilsuhjálparafelag Føroya verður ikki strikaður. 

Tað er boðskapurin frá Annika Olsen, forkvinnu í Kommunala arbeiðsgevarafelagnum. 

Fráboðanin kemur í kjalarvørrinum av, at Jørgen Niclasen, landsstýrismaður í fíggjarmálum, hevur heitt á fakfeløgini á almenna arbeiðsmarknaðinum, um at vísa hógv nú búskaparligu útlitini eru versnað av Koronakreppuni. 

Verður ikki broyttur

Men sáttmálin sum Heilsuhjálparfelagið undirskrivaði við Kommunala Arbeiðsgevarafelagið 1. oktober 2019 verður ikki broyttur, staðfestur Annika Olsen. 

Kommunala Arbeiðsgevarafelagið og Starvsmannafelagið skuldu byrja samráðingar um nýggjan sáttmála í gjár. 

Men Kommunala Arbeiðsgevarafelagið vil ikki samráðast um nýggjan sáttmála, so leingi óvissa er um nýggja sáttmálan við Fìggjarmálaráðið.