Starvsmannafelagið vísir áheitanini aftur

Starvsmannafelagið fer undir ongum umstøðum at eftirlíka áheitanini frá landsstýrinum um at ógilda galdandi sáttmála, og harvið at fara niður í løn.

Tað boðar Starvsmannafelagið frá á heimasíðu síni fyri løtu síðani. 

Felagið viðurkennir, at koronafarsóttin hevur við sær búskaparligar avleiðingar, serliga innan tænastu- og ferðavinnuna.

Men samstundis hevur búskaparfrøðin greitt víst á, at føroyski búskapurin er væl fyri, tí fólkið í Føroyum hevur bjálvað búskapin til verri tíðir. Tað eigur fólkið at kenna fløvan av nú, sigur felagið.

Starvsmannafelagið mælir tí staðiliga frá at senda rokningina niður til vanliga løntakaran

Súni Selfoss, formaður í starvsmannafelagnum, verður í útvarpstovuni í tíðindunum kl 17.