Starvsfólk ákært fyri harðskap móti búfólki

Ákæra er nú reist móti einum starvsfólki á einum heimi fyri fólk við autismu.

21. apríl fekk løgreglan fráboðan um, at eitt starvsfólk hevði framt harðskap móti einum búfólki.

Mads Strandberg, ákæri, vil ikki siga, hvat hendi, men at starvsfólkið er ákært fyri harðskap eftir linaru greinini í revsilógini, - grein 244.

Starvsfólkið hevur í avhoyring játtað seg sekan. 

Málið er sent Føroya rætti, men ikki er greitt, nær málið kemur fyri í rættinum.