25 munnligir fyrispurningar í tinginum í dag

Ikki færri enn 25 munnligir fyrispurningar skulu svarast í tinginum í dag.

Sjey spurningar eru til Helga Abrahamsen, landsstýrismann í umhvørvis- og vinnumálum, tríggir eru til Bárð á Steig Nielsen, løgmann, og tveir eru til Elsebeth Mercedis Gunnleygsdóttur, landsstýriskvinnu í almannamálum.

Kaj Leo Holm Johannesen, landsstýrismaður í heilsumálum, skal svara trimum spurningum, Jørgen Niclasen, landsstýrismaður í fíggjarmálum, skal svara fýra, og Jenis av Rana, landsstýrismaður í uttanríkis- og mentamálum, skal svara seks fyrispurningum.

Tingfólk spyrja landsstýrisfólk m.a. um korona og hjálparátøk, um sóttarhald, diabetesmiðstøð, vegagerð, Tjóðsavnið og um fjarskiftismál.

Yvirlit yvir munnligu fyrispurningarnar, sum verða settir í tinginum í dag, sæst her.

Tingfundurin byrjar klokkan 11.