Barnadeildin flytur aftur í heyst

Í seinasta lagi 1.september í ár verður Barnadeildin á Landssjúkrahúsinum aftur har, sum hon var.

Barnadeildin varð fyrst í hesum mánaðinum flutt upp á B7, har sum Medisinska deild er.

Men deildirnar eru ikki saman, veggur er millum teirra, og børn og vaksin eru ikki saman.

Tað sigur Kaj Leo Johannesen, landsstýrismaður, sum hevur svarað Sirið Stenberg, løgtingskvinnu, sum spurdi um Barnadeildina.

Hann sigur, at korona er orsøkin til flytingina.

Ongar ætlanir eru um at flyta Barnadeildina, ella minka hana av øðrum ávum, til dømis summarfritíð.