Fer frá sum stjóri og heldur fram sum lærari

Mentamálaráðið hevur gjørt avtalu við stjóran á Vinnuháskúlanum, Wilhelm Petersen, um, at hann fer frá sum stjóri og heldur fram sum lærari á Vinnuháskúlanum frá næsta skúlaári 
 
Wilhelm Petersen hevur verið stjóri í Vinnuháskúlanum síðani í desember 2013.

Freistin at søkja stjórastarvið er til 15.juni.

45 starvsfólk eru í Vinnuháskúlanum og har eru millum 250 til 270 næmingar.

Stjóralønin er 51.140 kr. umframt 7.671 kr. í eftirlønargjaldi.