Gongst illa at fáa semju

Illa gongst hjá Semingsstovninum at fáa manningarfeløgini og Reiðarafelagið at semjast um nýggjar sáttmálar.

Byrjað varð á middegi í gjár.

Terje Sigurðsson, semingsmaður, væntar ikki, at nakað semingsuppskot kemur í dag.

Semingsstovnurin hevur longt sáttmálarnar til á midnátt annað hvítusunnukvøld, mánakvøldið 1. juni.

Longdir fleiri ferðir
  
Sáttmálarnir fóru úr gildi 1. apríl, men eru longdir nakrar ferðir síðani tá.

Seinnapartin í gjár slitnaðu samráðingarnar millum arbeiðarafeløgini og Føroya arbeiðsgevarafelag. Semingsstovnurin og partarnir samdust um at leingja sáttmálarnar til hósdagin 4. juni á miðnátt.

Semingsstovnurin og feløgini hittast í morgin. Men tá verður eingin seming.