Breddin: Letur alt samfelagið uppaftur?

Fara Føroyar at lata heilt upp eftir tíðindafundin í morgin?

Politiskur viðmerkjari fer at greina støðuna, nú løgmaður hevur boðið til tíðindafund í morgin klokkan 11 um hjálparpakka 3, og hvussu Føroyar lata enn meira upp.

Verður hetta seinasti tíðindafundurin av hesum slagnum, og sleppa ferðafólk nú til Føroya, eru nakrir av spurningunum, ið vit fara at umrøða í Breddanum.

Hongkong og gávufæ

Verða talufrælsið og onnur frælsisrættindi nú avmarkað í Hongkong?

Ófriður er kyknaður aftur í Hongkong, eftir at Kina hevur samtykt eina trygdarlóg, sum eitt nú loyvir kinesisku fregnartænastuni at handhevja lógina í Hongkong

Í gjár bórust boðini um, at Barbara í Gongini hevur fingið gávufæ frá Statens Kunstfond í Danmark. 

Vit tosa við sniðgevan um kynspolitikk, burðardygd og hvat gávufæið skal brúkast til.

Breddin í útvarpinum klokkan 17.05