Inntøkurnar vóru 219 milliónir kr. størri enn mett

Inntøkurnar hjá landskassanum vóru 219 milliónir krónur størri í fjør, enn fíggjarlógin segði.

Tað vísir roknskapurin hjá landskassanum fyri 2019, sum løgtingið hevur fingið.

Í fíggjarlógini eru fimm milliardir og 663.800 milliónir krónur í inntøkum. Roknskapurin sigur fimm milliardir og 862.308 milliónir.

24 mió. kr. minni

Raksturin var fýra milliardir og 973.694 milliónir í fíggjarlógini. Men tá avtornaði gjørdist úrslitið 24 milliónir minni, fýra milliardir og 949.522 kr. Íløgur vórðu gjørdar fyri góðar 454 mill. kr.

Sambært fíggjarlógini fyri 2019 var yvirskotið mett at verða 203,3 milliónir, men roknskapurin sigur 532,4 mió. kr.

Ætlanin var at flyta 193,4 milliónir í Búskapargrunnin, men hagar fóru 248,6 milliónir.