Fara undir bakkaverjuna í Kirkjubø í summar

Ein ætlan er nú gjørd um bakkaverju í Kirkjubø. Bakkaverjan skal verja fornminnini í Kirkjubø.

Landsverk og Tjóðsavnið hava gjørt ætlanina um bakkaverjuna.

Ætlanin er at gera ein nýggjan breiðari verjumúr framman fyri Ólavskirkjuna, tryggja vegin niðan fyri Kirkjubømúrin við størri verjugróti, og leggja verjugrót fram við bakkanum út til Líkhús, sum er sunnan fyri Múrin, og umvæla verjumúrin har. Talan um 250 metrar av bakkaverju. 

Tað er svarið, sum Heðin Mortensen, løgtingsmaður, hevur fingið frá Jenisi av Rana, landsstýrismanni.

2,5 mió. kr.

Grót úr Sandoyartunlinum verður ikki brúkt sum verjugrót, tí tað er ikki mett at vera egnað. Men innast í bakkaverjuni kann tað brúkast. Har er talan um 500 rúmmetrar.

Bakkaverjan í Kirkjubø er mett at kosta 2,5 mió. kr. Arbeiðið byrjar nú í summar, men bara ein millión er játtað í ár, so arbeiðið verður ikki liðugt í ár. 

Ólavskirkjan í Kirkjubø er vard móti sjónum við einum verjumúri, sum er frá 1874.