Kina aftur rakt av koronasmittuni

Kina aftur rakt av koronasmittuni
Myndugleikarnar hava latið ein stóran matmarknað aftur í Beijing og avbyrgt 11 býarpartar nærhendis
 
13.06.2020 - 09:53

Í Beijing hava myndugleikarnir latið ein stóran matmarknað aftur, eftir at 45 fólk eru kannað og royndirnar hava víst, at tey hava korona.

517 fólk vórðu kannað og 45 vístu seg altso at hava korona.

Síðani hava myndugleikarnir avbyrgt 11 býarpartar nærhendis marknaðinum og hava sett forboð fyri, at ferðafólk koma til økið. Tað skrivar Reuters.

Tíðindastovan sigur eisini, at fleiri marknaðir í Beijing hava bannað sølu av oksa- og seyðakjøti, umframt at fleiri eisini eru givin at selja laks.

Hetta tí, at koronasmitta er funnin á skeribrettunum, sum verða brúkt á marknaðinum til at skera laksin á.

Sambært Reuters hava myndugleikarnir í Beijing boðað frá, at meira enn 10.000 fólk, sum hava vitjað marknaðin, skulu kannast fyri korona.

Somuleiðis er avrátt, at næmingar frá fyrsta til triðja flokk ikki skulu í skúla mánadagin sum ætlað.

Fleiri enn 7,6 milliónir fólk kring knøttin eru vorðin smittað við korona. 420.000 fólk eru deyð við korona.

Í Kina eru 84.000 skrásett við smittuni, 4600 eru deyð við henni.

Er kopiera
Nýggjastu sendingar í ÚV
Týsdag 17. november
Vitan
216375
Týsdag 17. november
Vitan
216297
Mánadag 16. november
Norðurljóð 16.november 2026
215027
Nýggjastu sendingar í SV
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442