Skattainntøkurnar størri í ár

Kommunurnar fingu meira í skatti fyrstu fimm mánaðirnar í ár enn í fjør.

Munurin er 38,1 mió. kr., ella 4,6 prosent.

Sjey kommunur fingu minni í skatti í ár enn í fjør. Tær eru Viðareiði, Vestmanna, Sunda kommuna, Hov, Fámjin, Tvøroyri og Sumba.

Eisini landið

Landið hevur eisini fingið meira í skatti í ár.

Landsskatturin er 6,5 prosent størri í ár enn hann var í fjør.

Kirkjuskatturin er sjey prosent størri, og eftirlønarskatturin er 7,4 prosent størri í ár.